LA UNION – Kinumpirma ti Davao regional police a maysa a miyembro ti Kingdom of Jesus Christ (KOJC) ti natay iti tengnga ti panangiserbi ti aganay 2,000 nga otoridad iti alias warrant of arrest kontra kenni Apollo Quiboloy ken dadduma pay nga akusado, ita nga aldaw ti Sabado, iti mismo a compound ti Kingdom of Jesus Christ idiay Buhangin District, Davao City.
Maibasar iti report manipud Police Regional Office-11, pimmusay iti maysa a lalaki a miyembro ti nasao a religious group gaputi heart attack.
Segun met iti Davao City Police Office naideklara a dead on arrival iti ospital ti nasao a miyembro.
Ni Quiboloy ket sumangsango iti kaso a panaglabsing iti Section 5(b) ti Republic Act 7610 wenno Special Protection of Children Against Abuse, Exploitation, and Discrimination Act ken Section 10(a) iti isu met laeng a linteg.
Sumangsango pay iti non-bailable qualified human trafficking charge under Section 4(a) iti Republic Act No. 9208 idiay Pasig court.
