BR LA UNION – Naiserbin ti Police Regional Office 11 (PRO 11) iti order a mangibabawi iti lisensiya dagiti paltog ni Sen. Ronald Dela Rosa.
Naiserbi ti nasao a dokumento kenni Atty. Vicente Adrian Pajaro, iti legal representative ni Sen. Dela Rosa.
Segun iti PNP-Regional Civil Security Unit 11 (RCSU 11), indaulwan ti Davao City Police Office iti panangiserbi ti Order of Revocation para iti License to Own and Possess Firearms (LTOPF) ken Firearms Registrations (FR) ti aglem-lemmeng a senador.
Segun kenni Davao Region Director PBGen. Leon Victor Z. Rosete, immuna a nangisayangkat ti coordination iti regional office iti local police para iti naurnos a panangiserbi ti revocation order.
Nagbalin met a naurnos kunana iti panangawat ni Atty. Pajaro iti nasao nga order ken nagkari a kasarita na ti kliyente na para iti daytoy.
Iti agdama, awan pay ti impormasyon nu naisublin iti PNP dagiti paltog ti senador a mapatta-patta nga umabot iti nasurok 100 a piraso a buklen ti shotgun, rifle, handgun, ken dadduma pay.
