Maysa a nuclear plant idiay France iti temporario a nagserra idi Lunes kalpasan a sinerrek dagiti ado a jellyfish dagiti filters ti pasilidad.
Segun iti operator daytoy nga EDF, naapektaran iti sistema ti panaglammiis ti Gravelines nuclear power plant iti makin-amianan a France, isu ta automatiko a nagsarra dagiti uppat a reactors daytoy. Dagiti nabatbati a dua ket naka-schedule a mairikep para iti maintenance.
Impasigurado ti EDF nga awan ti nagbalin nga epekto iti kinatalged ti planta, dagiti personnel, wenno aglawlaw iti panagado ti Jellyfish nga adda iti non-nuclear a paset ti planta.
Inlawlawag pay dagiti eksperto nga iti napudot a panawen idiay Europa iti posible a makagapo ti panagado ti jellyfish a kadawyan a masarakan iti North Sea.
Kenuna ti maysa a nuclear engineer, nakalusot iti jellyfish kadagiti umuna a filter gapo iti nalamuyot a bagida.
Saan met a daytoy iti umuna a gundaway a napasamak iti insidente.
