LA UNION – Maysa a welder ti naibalud iti detention facility ti Phil. Drug Enforcement Agency (PDEA) Region One idiay Camp Diego Silang, Carlatan, San Fernando City, La Union kalpasan a tiniliw dagiti otoridad iti insayangkat da a buy bust operation idiay Sudipen, La Union.
Nabigbig iti suspek ti nagan nga Antonio Mostoles Jr., 36-anyos, maysa a welder ken maibilang a High Value Individual.
Kinumpiskar dagiti otoridad iti ikot ti suspek a maysa pidaso ti heat-sealed transparent plastic sachet, naglaon ti maatap a shabu, mapatta-patta nga agdagsen ti 5 a gramo ken agbalor ti nasurok kumurang a P34,000.00
Karaman pay a nakumpiskar iti 3 a mobile phone, black sling bag, IDs, tricycle ken buy bust money.
Naidatagan ti suspek iti kaso a panaglabsing ti RA 9165 wenno Comprehensive Dangerous Drugs Act of 2002
