Nadundunor ti maysa nga estudyane gapo ti self-vehicular traffic incident a napasamak idiay Barangay Poro, San Fernando City, La Union partikular iti Pennsylvania Avenue, idi malem kalman, Disiembre 8, 2025.
Nabigbig iti biktima nga agtawen ti 19, maysa nga estudyante, ken residente ti Brgy. Paringao, Bauang, La Union.
Maibasar iti report manipud ti City of San Fernando Police Station (CSFPS), nagresponde dagiti personnel ti agarup 1:50 ti malem. Nakalugan iti biktima ti motorsiklo, awanan plaka, ken naduktalan pay nga awanan isuna ti driver’s license.
Ti insayangkat nga imbestigasion ti pulisya, agdaldalyasat iti motorsiklo nga agpalaud ken adda iti igid ti eastbound lane. Idi nakasangpet isuna iti nakapasamakan ti insidente, napukaw ti driver iti kontrol ti manibela ken nadungpar na iti waiting shed. Gapu ti daytoy, nagsagrap isuna ti sugat iti nadumaduma a paset ti bagi.
Dagus met daytoy nga inturong ti City Disaster Risk Reduction and Management Office (CDRRMO idiay Ilocos Training and Regional Medical Center (ITRMC) babaen ti ) para iti medical examination.
Nadadael ti motorsiklo ngem saan pay a masinunuo iti pakabuklan a magastos para iti panangpatarimaan.
Agparparang pay iti inisial nga imbestigasion a posible a rason ti aksidente ket gapo ti panagmaneho nga adda iti sidong ti impluensia ti arak ken reckless driving.
Agtultuloy iti follow-up investigation dagiti otoridad iti nasao nga insidente.
