LA UNION – Dukduktalen ita dagiti otoridad no adda pakainaigan ti immunan nga insidente ti panagtakaw iti uneg ti kingdom hall ti Jehova’s witnesses ditoy probinsia ti La Union.
Daytoy ket kalpasan a nakemmeg ti maysa pay a suspek a ni suspek a nabigbig a ni Nicanor Betito, 68-anyos, taga-Minalabac, Camarines Sur.
Maibasar iti imbestigasion ti pulisia, naamuan nga alas-11:30 idi rabii idi naaktoan ti maysa kadagiti residente idiay Brgy. Ili Norte, San Juan ti suspek a mangdaddadael iti door knob ti kingdom hall.
Ditoy a dagus a nagpasaklolo ti testigo kadagiti otoridad a nagbanag iti pannakatiliw ni betito bayat a nasarakan iti lugar dagiti nadadael a jalousie blade ken door knob, pliers, hacksaw blade ken wrench.
Dagus met a nakemmeg ni Betito nga agtultuloy ita a maim-imbestigaran.
Immuna iti daytoy, dumanon iti P27,000 a balor ti projector ken DVD player ti natakaw iti maysa pay a simbaan ti kongregasion iti kabangibang nga ili ti Bacnotan itay kanikadua.
