Saan pay a nakailista ti aniya man a a casualties mainaeg ti Bagyo Egay iti San Juan DRRMO.
Iti pannakiuman ti Bombo Radyo La Union kenni Gino Mabalot manipud ti MDRRMO San Juan kinunana a passable road iti ili ti San Juan ngem awan pay ita ti kuryente gaputi napigsa nga angin nga inggubuay ti Bagyo Egay.
Segun kenni Mabalot, nangrugi idi rabii naglukat dagiti evacuation centers a turungen nu man kasapulan ti agbakwit dagiti residente ti San Juan La Union.
Imbatad na met nga manageable iti sitwasyon ti nasao nga ili ken agtultuloy iti panag-monitor ken panag-patrolya da.
Beach closed met dagiti kabaybayan ken agkaykaysa met dagiti bunggoy iti deployed Philippine Coast Guard, Beach Marshal, Bureau of Fire Protection, Philippine National Police, ken Municipal Social Welfare and Development Office tapno agmonitor ken agbantay kadagiti kabaybayan agraman dagiti asideg ti kabanbantayan.
Impeksa met ni Mabalot iti panagyamanna kadagiti Barangay Officials nga nagpuyat tapno agbantay kas met iti monitoring and cleaning nga ar-aramiden da bayat iti mapaspasaran nga epekto ti Bagyo Egay.
Kabayatanna, imbatad na met nga awan pay iti serious report manipud iti Agricultural Sector ken kinunana nga amin a kameng ti nadumaduma nga ahensiya partikular iti San Juan LGU agraman kangrunaan iti MDRRMO San Juan ket available para iti amin a serbisyo.
