LA UNION – Tengngel itan dagiti otoridad ti maysa a mekaniko bayat a maisagsagana ti kaso a maidatag kontra kenkuana kalpasan a nakumpiskaran iti illegal a droga iti search operation idiay Barangay Catbangen, siudad ti San Fernando.
Nabigbig daytoy a ni Charlie Costales, 39-anyos, newly-identified drug pusher ken user a residente iti nasao a lugar.
Nakumpiskar kenkuana ti lima a sachet a naglaon iti shabu ken dadduma pay a drug paraphernalia.
Kabayatanna, emosional met nga inlibak ni Costales a kukuana dagiti nakumpiskar a kontrabando iti nasao nga operasion.
