LA UNION – Inarestar dagiti otoridad iti maysa a 17-anyos a barito gaputi panaglabsing iti RA 9165 wenno Comprehensive Dangerous Drugs Act of 2002.
Iti suspek a nabigbig iti nagan a Ryan Christian Cortez, residente ti Brgy. Poro ditoy siyudad ti San Fernando ket tiniliw dagiti otoridad iti insayangkat da a buy bust operation iti Barangay Madeyegdeg, City of San Fernando, La Union.
Napasamak ti operasyon agarop alas 8:00 ti rabii idi Setyembre 4, 2023.
Kinumpiskar iti nagtipon a puwersa ti PNP, PDEA, ken dadduma pay a law enforcement unit manipud iti ikot ti suspek iti iligal a droga a maipagarop a shabu a mapatta-patta nga agbalor amin ti nasurok kumurang a P5,000; maysa a unit ti cellular phone; maysa a pidaso ti genuine one thousand peso bill ken maysa met a pidaso a fake one thousand peso bill a nagserbi a buy bust money; ken karaman pay a na-impound ti inusar na a maysa a motorsiklo.
Iti suspek ket temporaryo a naipasidong iti aywan ti Philippine National Police Women and Children Protection Desk (PNP-WCPD) para iti umno a disposisyon.
