LA UNION – Nabotosan iti kaunaan a babai a Presidente ti Mexico ni Claudia Sheinbaum.
Iti 61-anyos a ni Sheinbaum ket sigud a mayor idiay Mexico City.
Segun iti official electoral authority ti Mexico, nakagun-od daytoy ti botos nga 58% agingga 60% iti eleksiyon a naisayangkat idi Domingo.
Daytoy ket 30 percent ti lamang na manipud iti kinalabanna a ni Xóchitl Gálvez a maysa a negosyante.
Pormal a sukatanna ni outgoing President Andres Manuel Lopez Obrador inton Oktubre 1.
Idi 2018, isuna iti kaunaan a babai a nagbalin a mayor idiay Mexico City agingga idi 2023 a bimmaba iti puwesto tapno kumandidato kas Presidente.
