Dimmanon iti ₱588.12 billion iti balor ti Class A reserves ti pagilian a balitok, tanso, nickel ken chromite idi 2025, segun ti Philippine Statistics Authority (PSA).
Nangatngato daytoy ti 17.6 porsiento no idilig iti ₱500.2 billion idi 2024.
Segun ti ahensia, dimmanon iti ₱68.25 billion ti pakabuklan a resource rent dagiti uppat a kangrunaan a mineral iti ₱68.25 billion wenno 0.24% iti gross domestic product (GDP) idi napalabas a tawen, idinto a ngimmato ti 41.6% iti balor ti Class A gold reserves agingga ti ₱308.79 billion.
Apagapaman a bimmasit iti balor ti Class A copper reserves agingga iti ₱60.5 billion, ngem bimmaba iti balor ti Class A nickel reserves iti ₱217.74 billion ken chromite reserves ti ₱1.1 billion.
Iti laksid ti panagngato ti pakabuklan a balor ti mineral reserves, inpadamag met ti PSA a bimmaba iti pisikal a rukod dagiti Class A reserves ti balitok, tanso, nickel, ken chromite idi 2025.
