LA UNION – Dead on arrival iti ospital ti maysa a mister kalpasan a binagsol daytoy ti kinainomna idiay Barangay Carlatan, ditoy siudad ti San Fernando, La Union.
Nabigbig ti biktima a ni Edwin Mase, 49 bayat a ti suspek ket ni Kith Gachalian, 24, baro, agpada a residente iti nasao a lugar.
Naammuan ti Bombo Radyo manipud iti San Fernando City Police Station nga agpada a nabartek dagiti dua idi mapasamak ti krimen.
Maipagarup a pinaawid dagiti kakadduada iti paginuman ni Mase ngem kalpasan ti sumagmamano a kanito ket nagsubli daytoy kasaruno iti panangbgbagsolna ni Gachalian.
Simmuko met laeng ti suspek kadagiti otoridad kalpasan a napapatayna ti biktima.
