LA UNION- Immapela ita iti kararag ti maysa a pulis manipud ditoy porobinsia ti La Union tapno agballigi iti salipanna nga ultra-Trail du Mont-Blanc idiay France.
Segun ken ni PO2 Miguelito Carranza ti Burgos Police Station, nakakondision itan ti bagi ken stamina-na kalpasan ti sumagmamano a bulan a panagensayo para iti international trail running marathon partikular iti 170-kilometer trail category.
Dakkel met ti panagyaman ni Carranza iti liderato ti Philippine National Police (PNP) gapu iti suporta nga intedda kenkuana.
Maangay ti trail-running event inton Agosto 28 agingga Setiembre 3 no sadino, makalaban ni Carranza ken tallo pay a Pilipino kadagiti 8,000 a runners iti naduma-duma a pagilian.
