LA UNION – Pimmusay bayat a maag-agasan iti ospital ti maysa a mister kalpasan a rimmampa iti gutter ti rangtay ti manmanehuenna a motorsiklo.
Binigbig ti Agoo Police Station ti biktima a ni Michael Leal, 33-anyos, residente ti Suyo, Ilocos Sur.
Maibasar iti inisial a panagsukimat ti pulisya, naamuan a daldalyasaten ti motorsiklo ni Leal ti kawatiwatan ti Aspiras highway iti paset ti Barangay San Agustin East idi kellaat a naidungpar iti gutter ti Bacsil Bridge.
Nagtulid-tulid ti motorsiklo a nagbanag iti nakaro a pannakasugat ti biktima.
Dagus daytoy a naitaray iti ospital ngem pimmusay met laeng.
Kabayatanna, naamuan a kagapgapu iti inuman ti biktima idi napasamak ti insidente.
