Makumikomen dagiti ahensia ti gobierno nga agsagsagana para iti masungad a Traslacion ng Poong Hesus Nazareno ita a tawen 2025.
Dagitoy a wagas ket nairanta a mangsigurado iti kinatalged dagiti deboto ken ti kinaurnos ti intero a Traslacion.
Segun iti liderato ti Metropolitan Manila Development Authority, agtartrabaho itan ti Multi-Agency Coordinating Center a masarakan sadiay Basilika Minor ken National Shrine wenno Quiapo Church.
Iti uneg ti nadakamat a Center, mamonitor dagiti pasamak iti intero nga event a real time babaen kadagiti nakakabil a CCTVs.
Daytoy pay ti nakaikabilan ti Communication Equipment a mausar a mangkoordinar iti gobierno.
Innayon ti MMDA a karaman kadagiti mangipaay met iti seguridad ket ti Philippine National Police (PNP), Philippine Coast Guard ken dadduma pay a dadakkel nga ahensia ti gobierno.
