Nababbaba ti bilang dagiti agbibiahe kadagiti dadakkel nga expressway ngem idi napalabas a tawen, gapu iti panagngato ti presio ti langis ken sumagmamano a magagatang.
Segun ti Toll Regulatory Board (TRB), saan a kas iti kangato ti manamnama a traffic volume ita nga Holy Week no idilig kadagiti peak travel seasons kas idi 2025.
Nupay kasta, agtaltalinaed nga alerto ti TRB ken dadduma pay nga ahensia tapno masigurado iti kinatalged dagiti motorista.
Kagiddan daytoy, insuspende ti MMDA iti number coding scheme idiay Metro Manila tapno naannayas ti panagbiahe.
Nasurok a 700 a pulis ken 92 patrol team ti ideploy ti PNP Highway Patrol Group kadagiti 179 a lokasion para iti seguridad ken tulong kadagiti motorista.
Iti pakabuklan, uray no bassit dagiti agbiahe ita a Semana Santa, agtalinaed a nakasagana ti gobierno a mangipasigurado iti natalged ken naurnos a panagbiahe ti publiko.###
