BR LA UNION – Nagsaritan babaen iti social media account na iti retirado a mahistrado ti kangatuan a korte a nangisurat ti sarita a “forthwith” para iti kasapolan a sungbat ti Senado para iti kaso ti impeachment.
Naamwan a ni Retired Supreme Court Senior Associate Justice Adolfo Azcuna ti nagsurat ti Article XI iti Constitution, a mangitudtuding a ti “public office ket public trust” a dagiti opisyal ti gobyerno ket rumbeng nga agsungbat kadagiti umili iti amin nga oras.
Insuratna pay kunana ti section iti procedural a nausar ti sarita a “forthwith”, a kaipapanan a rumbeng a rugyan a dagus ti Senado iti panagusig kalpasan nga aprubaran ti nababa a pagpandayan linteg ti Kongreso iti impeachment, babaen ti 1/3 wenno nasursurok pay a botos.
Iti sarita a “forthwith” ket addaan kaipapanan kunana a “dagus” iti opisyal a bersyon ti nasyunal a lengguwahe ken nalawag nga addaan daytoy ti tarigagay a masiguro a napartak ken saan a naingkalintegan iti panangitantan ti impeachment trial.
Ni Azcuna ket addaan napateg a papel iti panagsurat kadagiti probisyon iti Konstitusyon, partikular iti panangituding ti transparency, accountability ken umno a proseso iti impeachment.
Impaganetget na pay a ti insurat na ket rumbeng nga addaan integridad ken napartak nga aksyon iti impeachment trials, tapno masiguro a magun-od ti hustisya nga awanan ti laok a manipulasyon wenno panangitantan.
Ti isyu a dagus a rugyan ti impeachment kontra kenni Vice President Sara Duterte ket nagbalin a nabara gaputi takder ni Senate President Francis “Chiz” Escudero a kasapolan nga ipangruna dagiti pending priority bills, sakbay a naan-anay nga aksyunan iti reklamo nga indatag dagiti kongresista.
