LA UNION – Nakapasar ti nakaru a panaglayos a gubway ti napigsa a panagtudo, dagiti kangrunaan kalsada, babbalay iti basements, ken establisimento idiay Toronto City, Ontario, Canada idi Martes, Hulyo 16.
Kinuna ni Bombo International News Correspondent (BINC) Rollie Bugaoan, a nakabase idiay Mississauga, Ontario, Canada impadamag dagiti katrabaho ken gagayyem na nga agnanaed idiay Toronto, a na-stranded da gaputa pimmalya dagiti subway ken street cars gaputi kellaat a panagdackel ti layos a dimmanon iti pito agingga 10 a pulgada.
Kinuna ni Bugaoan a maysa a posible a nakaigapwan ti kellaat a panagdackel ti danum ket gaputa manarimaan ti construction iti drainage system ken kangrunaanna, iti unusual nga above normal rainfall.
Kinuna na pay a nagpaut ti layos iti dandani 24 nga oras, kalpasanna ket nag-subside met laeng.
Iti agdama, makomikom ti gobyerno ken dagiti umili a mangisay-sayangkat ti clearing operation.
In-inut metten a maisub-subli ti supply ti koryente kalpasan a naapektaran iti aganay 167,000 customers iti napasamak a power outage.
