BR LA UNION – Alas 8:00 ita a rabii, naan-anay a nabukel kas Tropical Depression wenno bagyo iti nasaripatpatan a low-pressure area (LPA) iti ruar ti Philippine Area of Responsibility (PAR).
Maibasar iti report ti PAGASA a naiyisyu alas 10:00 ita a rabii, naudi a nasaripatpatan iti LPA iti kaadayu a 2,560 kilometro daya amianan-a-daya ti Extreme Northern Luzon .
Kabuyog na ti kapigsa ti angin nga umabot ti 55 kilometro kada oras ken kapegges a dumanon ti 70 kilometero kada oras.
Dup-dupagenna iti amianan a palaud iti kapartak a 10 kilometro kada oras.
Iti kanito a sumrek iti PAR ti nasao a bagyo, maawagan daytoy a bagyo Bising.
Nupay kasta, inlawlawag ti PAGASA, nga awan ti direkta nga epekto na ti bagyo iti sadinuman a paset ti pagilian.
Kabayatanna, nalawa a paset ti pagilian iti makapadas ti mawaras-waras a panagtudo ken panaggurru-od kas epekto ti southwest monsoon wenno habagat.
Pakaibilangan iti idiay Metro Manila, CALABARZON, SOCCSKSARGEN, Pangasinan, Zambales, Bataan, Occidental Mindoro, Palawan, agraman idiay Bicol Region, Western Visayas, Negros Island Region, Zamboanga Peninsula, BARMM, nabatbati a paset ti Central Luzon ken MIMAROPA.
Bayat nga epekto met ti intertropical convergence zone (ITCZ) iti agraira iti daya a paset ti Mindanao.
Agbalin a naulep a mapakuyugan ti mawaras-waras a panagtudo ken panaggurru-od iti Davao Region ken Surigao del Sur gaputi ITCZ.
Kabayatanna, iti nabatbati a paset ti pagilian ket makapadas ti localized thunderstorms.
Imballaag ti weather bureau iti posible a flash floods ken landslides gapwanan ti napipigsa a buyat ti tudo kadagiti nadakamat a lugar.
