BR LA UNION – Nauraman iti nasurok 100 a pamilya idiay Floodway, Brgy. San Juan, Taytay, Rizal.
Kaadwan kadagiti biktima ket awan ti naisalbar nga arwaten ken agtaltalinaed dagitoy iti evacuation centers.
Kalpasan ti napasamak nga uram, maysa ti nailista a nasugatan nga akinkukua ti maysa a balay ken nagpasar ti pannaka-sinit iti kannawan nga abaga na.
Segun iti biktima, pinadas na a sebseban ti apoy a nangrugi pasado alas-3 ti parbangon idi kalman.
Kabayatanna, kinuna ti Bureau of Fire Protection, ti uram ket dimmanon iti maikadwa nga alarma.
Nupay kasta, awan ti nailista a natay bayat nga agtultuloy iti imbestigasyon ti Bureau of Fire tapno amwen ti nagtaudan ti uram ken manu ti danyos iti nasao nga insidente.
