Impasigurado ti Provincial Government of Albay, babaen ti panangidaulo ni Governor Noel Rosal a nakasagana ti probinsia iti aniaman nga alert level ti Bulkang Mayon.
Iti agdama, agtaltalinaed iti alert level 3 iti probinsia, ngem pagsagsaganaan dan iti posible a panagngato daytoy iti Alert Level 4.
Segun kenni Governor Rosal, no dumanon ti alert level 4 ket kasapulan ti panangiyakar kadagiti nasurok 70,000 nga indibidual manipud kadagiti apektado a lugar.
Kas panagsagana, naibilin iti dagos a panangtarimaan ken panangurnos dagiti evacuation centers kadagiti nadumaduma a probinsia tapno masigurado a natalged ken komportable dagiti evacuees.
Impaganetget ti Gobernador iti kinapateg ti responsable a panagusar ti Calamity Fund ti probinsia.
Impasiguro na nga iti pondo ket mausar a nasayaat ken epektibo tapno masungbatan dagiti pagkasapulan dagiti apektado a residente.
Impanamnama ti Department of Social Welfare and Development (DSWD) iti umdas a suplay ti food packs para kadagiti evacuees iti las-ud ti innem a bulan.
Nangidanon met ti panagyaman ni Governor Rosal kenni Presidente Marcos iti panangipatulodna kenni DSWD Secretary Gatchalian idiay Albay.
Kabayatanna, kenuna ni Dr. Paul Alanis ti DOST-PHIVOLCS nga iti agdama ket awan pay ti senyales a rumbengen nga ingato daytoy ti alert level 4, gapu ta awan pay ti nailista a panagkaro iti aktibidad ti Bulkang Mayon.
Agtultuloy iti panangmonitor ken panaganalisa iti sitwasion ti bulkan.###
