Dagos a naevacuate ti 87K a tattao gapo iti panagbettak ti Bulkang Kanlaon idi kalman.
Segun kenni Defense Secretary ken National Disaster Risk Reduction and Management Council (NDRRMC) Chairman Gilberto Teodoro Jr., nangipatungpal da iti emergency evacuation tapno maliklikan ti aniaman a casualties.
Maibasar iti datos, kakaruan iti sitwasyon ti paset ti La Castellana a dumanon ti agingga 47K indibidwal ti agnanaed iti 4-6 km danger zone ti apektado.
Kapayatanna, agtaltalinaed a target ti operasyon dagiti otoridad ti Barangay Sag-ang agsipud ta idiay ti turongen ti angin a mangigubuay ti pangta ti ashfall.
Kasapulan met ti madagdagos a suporta para iti panangevacuate kadagiti residente ti Barangay Cabagnaan, argaman dagiti ili ti Himamaylan, Hinigaran, Isabela, Pontevedra, ken Moises Padilla.
Kas panagsagana iti worst-case scenario, naidatag ti Panaad Stadium idiay Bacolod City a primary evacuation center a kabaelan ti mang-akomodar ti agingga 30,000 evacuees.
Iti agdama ket agtitinnulong dagiti nagduduma nga ahensya ti gobierno para iti panangipaay ti ayuda para kadagiti apektado a residente.
