LA UNION – Umabot iti 10,150 a pinuon ti marijuana a mapatta-patta nga agbalor ti nasurok P2-milyon pesos iti pinag-ot dagiti otoridad iti nagbeddengan ti probinsiya ti Ilocos Sur ken Benguet, partikular idiay Sitio Nagawa, Brgy. Caoayan, Sugpon, Ilocos Sur ken Sitio Ogiyet idiay Brgy. Tacadang, Kibungan, Benguet.
Daytoy ket paset iti ipat-patungpal dagiti otoridad nga Operation: Marijuana Eradication.
Iti pannakiuman ti Bombo Radyo La Union kenni P/Lt Godofredo Ribuyaco, agdama a chief-of-police idiay Sugpon Police Station, inuram da dagiti pinag-ot da a puon ti marijuana iti nasao a lugar, ngem awan ti natiliw dagitoy a cultivator.
