LA UNION – Awan pay iti makuna a person of interest iti National Bureau of Investigation (NBI) iti maipagarop a kill order ni Vice President Sara Duterte kontra kada President Ferdinand Marcos Jr., First Lady Liza Araneta-Marcos ken House Speaker Martin Romualdez.
Segun kenni NBI Director Jaime Santiago, daytoy iti rason isunga kayat da a makasarita iti Bise Presidente tapno makapag-palawag isuna kadagiti inebbatanna a waragawag idi Sabado, nga ikonkonsidera dagiti otoridad a pangta iti Presidente ken maysa nga isyu ti national security.
Mainaig ti daytoy, inserbi dagiti ahente ti NBI ita nga aldaw iti subpoena idiay Office of the Vice President (OVP).
Mangnamnama iti NBI chief nga agpalawag iti Bise Presidente nu apay a nakapag-sao iti kontra ti Presidente ken dadduma pay.
Nupay kasta, namnamaen dan a saan nga ibaga ni VP Sara iti pakabigbigan ti indibidwal a maipagarop a kinontrata na a mang-assassinate iti Presidente ingkaso a mapatay daytoy.
Kabayatanna, immunan nga inlawlawag ni VP Sara a ti assassination statement na ket saan a pangta, nudiket ibagbaga na laeng iti maipagarop a pangta ti seguridad na.
