LA UNION – Nakasagana met ti National Bureau of Investigation, nga i-reschedule iti nakatuding nga imbestigasyon da iti assassination remarks ni Vice President Sara Duterte nu kiddawenna nga ire-skedyul ti summon na.
Segun kenni NBI Director Jaime Santiago, posible a patgan da daytoy, tapno ipaayan dalan iti panagdar-ay ti Bise Presidente iti panagdengngeg ti House Commitee on Good Government and Public Accountability, a nakatuding koma ita nga aldaw ti Biyernes, Nobiyembre 29, ngem nagdesisyon ti panel nga i-postpone daytoy.
Nupay kasta agingga iti agdama, ket imbaga ni Director Santiago nga awan pay iti naawat a request ti National Bureau of Investigation manipud iti Bise Presidente.
Immunan a kinumpirma ni VP Sara a naawatnan iti subpoena manipudt National Bureau of Investigation.
Imbaga pay ti Bise Presidente a kiddawen na a ma-reschedule daytoy agsipudta kayatna nga unaen ti panagdar-ay iti panagdengngeg ti House panel tapno mangipakita ti suporta iti staff na asumango kas resource person.
