Ibilbilang ni National Bureau of Investigation Director Jaime B. Santiago a maysa nga ‘harassment’ iti kabaruan a reklamo a sangsangwen ni Department of Justice Secretary Jesus Crispin Remulla iti Office of the Ombudsman.
Segun kenni Santiago, makitkita na a pananglapped ken panaggipit laeng iti impila a reklamo ni Atty. Ferdinand Topacio iti Ombudsman nga arbitrary detention, mainaig iti maipagarop nga ilegal a panangarestar ken panaka-detine da Cassandra Li Ong ken Shiela Go idi napalabas a tawen.
Impaganetget na a panggep laeng ti reklamo a saan a maaddaan ti clearance ni Justice Secretary Remulla iti Ombudsman, agsipudta maysa daytoy kadagiti ‘requirements’ ti Judicial and Bar Council tapno mairaman kadagiti nominado wenno shortlist iti posisyon.###
