Inleppasen ti National Bureau of Investigation ti imbestigasyon seknan iti pangta ni Bise Presidente Sara Duterte kontra kenni PBBM, FL Liza Marcos ken Speaker Martin Romualdez.
Segun kenni Prosecutor General Richard Fadullon, ti Department of Justice ket agdama ti evaluation na ti umuna nga imbestigasyon ti NBI.
Makuna a nangdutok daytoy kadagiti piskal a mangsukimat manen kadagiti ebidensia nga adda pay laeng iti kustodiya ti NBI.
Kinunana nga agpannuray met iti resulta ti evaluation no mangipaulogda iti rekomendasion a mangipila iti kaso kontra iti bise iti DOJ wenno kasapulan a maisubli iti NBI tapno mapatibker ti kaso nu kasta ket saan nga idismiss ti korte.
Agtultuloy ti panagtitinnulong ti DOJ ken NBI tapno marisut ti nasao a banag.
Segun kenni Justice Undersecretary Raul Vasquez, paset ti case build up ti agtultuloy a panangtingiting iti umuna nga imbestigasion.
