Pinasingkedan ni National Bureau of Investigation (NBI) Director Melvin Matibag a napakabiahen paruar ti Pilipinas da Batangas 1st District Representative Leandro Leviste ken ti nanang na a ni Senadora Loren Legarda.
Ti kumpirmasyon ni Matibag ket kalpasan a mapaay ni Leviste a tungpalen ti subpoena kenkuana nga agparang sakbay iti ahensya iti Agosto 6, mainaig iti alegasyon kadakuada ni Jacinto “Jing” Paras ti maysa a “honey trap.”
Panggep ti nasao a honey trap scheme a dadaelen ti reputasyon ni Executive Secretary Ralph Recto.
Maibasar iti record ti NBI, agpada a nagbiahe ti ag-ina a Leviste ken Legarda idi Agosto 2, ngem nagduma da iti nagluganan nga eroplano.
Inlawlawag ti director a nagbiahe ni Congressman Leviste agturong Hong Kong idi Agosto 2, bayat a ni Senadora Legarda met ket pimmanaw iti kapada nga aldaw ken limmabas ti flight na idiay Hong Kong sakbay iti maudi a destinasyon da idiay France.
