Madama nga adda idiay France ni Batangas 1st District Representative Leandro Leviste tapno taripatoen ken bantayan iti ina na a ni Senadora Loren Legarda, a maipaspasidong medikal a pannakataming.
Pinasingkedan mismo daitoy iti spokesperson ni Senadora Legarda a ni Atty. Tony La Viña – kinunana a timmulong ni Leviste kadagiti medikal a pagkasapulan ti ina na nga addaan iti kondisyon iti bara, kasta met iti autoimmune disease.
Naka-medical leave ni Legarda manipud Agosto, a napawaywayan pay ti aggingga Oktubre 9.
Segun iti kampo na ket tarigagay nan iti makasubli ditoy Pilipinas ken ituloy ti trabaho na kas Senadora apaman a pumaboren iti kondisyon na.
Karaman kadagiti naibati na a trabaho ket iti panagbalin kas senator-judge iti impeachment trial ni Bise Presidente Sara Duterte.
Kabayatanna, maim-imbestigaran da Legarda ken Leviste gapo kadagiti alegasyon iti solar energy projects ken franchise a konektado kadagiti negosyo ni Leviste.
Nainget met nga inlibak iti nagsinnumbangir a dasig dagiti alegasyon ken kinuna nga awan iti umdas nga ebidensya a mangpabasol kenkuada.
