Nangiwaragwag manen ti pakaseknan na ni Israeli Prime Minister Benjamin Netanyahu kontra kenda UK Prime Minister Sir Keir Starmer, French President Emmanuel Macron, ken Canadian Prime Minister Mark Carney.
Inakusaran ni Netanyahu dagiti nasao a lider iti panagsuporta tia Hamas kalpasan a dillawen da dagiti panagbomba ti Israel idiay Gaza.
Segun kenni Netanyahu, dagiti lider ti Britain, France, ken Canada ket suportador ti “mass murderers, rapists, baby killers, and kidnappers,” kategorya a kinunana ket maibilbilang ti Hamas.
‘I say to President Macron, Prime Minister Carney and Prime Minister Starmer, when mass murderers, rapists, baby killers and kidnappers thank you, you’re on the wrong side of justice,’ waragawag ni Netanyahu.
Nagtaud ti komento na manipud iti pammabalaw dagiti nasao nga lider iti operasyon ti Israel idiay Gaza a kunada ket “disproportionate” ken nangigubuay pay ti “intolerable humanitarian crisis”.
Kabayatanna, saan pay met a direkta a simmungbat ti Downing Street kadagiti akusasyon ngem impunto da ti immunan a waragawag ni Sir Keir Starmer a binabalaw metlaeng ti antisemitism attack idiay Washington DC.
Ti insidente ket gapo paylaeng kadagiti pammarigat a mapadpadasan ita ti Gaza nu sadino ket aganay 53,000 a tattao, pakairamanan dagiti ubbing, iti nailistan a kumpirmado a natay iti agtultuloy a gyera a nangrugi idi pay Oktubre 2023.
