Kinondenar ken tinagiawan ti National Historical Commission of the Philippines (NHCP) ti nabiit pay a panagtagikua ti China iti Isla ti Palawan.
Nagwaras daitoy ti internet ken naglaon kadagiti impormasyon iti Weibo gaming ken dadduma pay a Chinese social media platforms.
Segun iti post, bagi ti China ken sigud a teritoryo da iti Isla ti Palawan ken sakop daitoy ti sumagmamano a ribo nga tawen.
Nakailanad pay iti post a ti Pilipinas ket awan karbengan na iti isla nga inawagan da kas ”Zheng He Island,” manipud iti nagan ti Chinese explorer.
Nupay kasta, kinuna ti NHCP a ti nasao nga exploration ket kayat na satwen a bagi daitoyen iti China.
Awan ti aniaman nga ebidensya nga nagtalinaed dagiti Tsino sadiay Palawan — maysa a lugar nga nagnaedanen ti tao 50,000 a tawenen ti napalabas segun kadagiti panagadal nga imet dagiti archaeologist.
Segun iti komisyon, manipud 1521 kas maibasar iti kasuratan ni Antonio Pigafetta, maysa nga Italian explorer a karaman kadagiti kaunaan a nakarikos ti intero a lubong, ti Palawan ket isla a pagnanaedan dagiti komunidad a kapada ti dadduma pay a paset ti Pilipinas ti panagbiag da.
Kinaagpaysuananna, ti lider ti ekspedisyon ket nangaramid pay iti blood compact kadagiti lider ti komunidad iti agdama a Sitio Tagusao Brooke’s Point, Palawan.
Kadagiti naglabas a tawen, dagiti historical maps manipud kadagiti Europeans idi 1500s agingga 1800s ket bigbigbigen ti Isla ti Palawan kas paset ti archipelago ti Pilipinas, nga idadauloan ti Sultanate ti Sulu ken ti Spanish Captain-Generalcy idi ti Pilipinas.
Ti 1898 Treaty of Paris, a binaliwan ti 1900 Treaty of Washington, ket nalawag a mangdakdakamat kadagiti agdama a masakupan ti teritoryo ti Republika ng Pilipinas.
Kabayatanna, nagtignay ti NHCP iti posisyon ti Gobierno ti Pilipinas ng awan uray maysa a kadapan ti teritoryo ti Pilipinas ti mabalin nga ilako wenno bagien ti aniaman a pagilian nga agpampammarang kas gayyem.
