LA UNION – Inalerto ti Office of Civil Defense (OCD) dagiti residente kadagiti lugar a naapektaran ti agraraira a shear line.
Maibasar iti mensahe nga inruar ni OCD chief, Undersecretary Ariel Nepomuceno, pab-pabantayan na kadagiti residente iti epekto ti shearline a posible a mangigubway ti kellaat a panaglayos ken panagregga-ay ti daga, a masansan a mapasamak iti panawen a napaut ti panagtudo.
Inyarig na iti nagbalin nga epekto ti shearline idiay Visayas ken Mindanao idi Enero napalabas a tawen, nga adda iti nasurok 40 a tattao iti natay.
Kasapolan kunana a bantayan dagiti residente iti amin nga abiso nga iruar dagiti ahensiya ti gobyerno kas ti Philippine Atmospheric, Geophysical and Astronomical Services Administration (PAGASA), Mines and Geosciences Bureau, National Disaster Risk Reduction and Management Council at OCD.
Segun kenni Nepumuceno, iti kinatalged dagiti residente ket nakasadag iti kooperasyon ken panag-tulnog kadagiti abiso nga iruar dagiti nasao nga ahensiya.
Maipalagip nga iti datus nga inruar ti MGB, adda pakabuklan a 1,632 a barangay manipud iti 14 a probinsya iti prone ti layos ken landslide.
Dagiti lugar ket manipud iti rehiyon ti Cagayan Valley, Ilocos Region, Cordillera Administrative Region, ken Central Luzon.
