Insingasing ti Office of the Vice President ti budget a P2.037 bilion para iti 2025.
Kinuna ti Office of the Vice President iti social media post a ti mairekomendar a budget ket iyanninawna ti 8.05% nga ingangato no idilig iti agdama a year appropriation a P1.885 billion.
Innayon pay ti OVP a no ti singasing ket aprobaran ti Kongreso, katupag daitoy iti panagngato a 12.39% iti bilang dagiti target beneficiaries para kadagiti flagship programs, wenno agdagup iti 1,139,244 a benepisyaryo.
Idi 2024, 87.59% iti budget ti OVP ti naipaay kadagiti programa ken proyekto ken 12.41% kadagiti serbisio ti personnel, alikamen ken lugan.
Karaman kadagiti kangrunaan a programa ken proyekto ti OVP ket ti medical ken burial assistance, Free Rides, ken ti Disaster Operations Center.
