Nakanselar iti nakaituding kuma nga oral arguments ti Korte Suprema ita nga aldaw maipanggep iti saritaan ken isyu ti Maharlika Investment Fund wenno MIF.
Iti imbinglay a mensahe ti Supreme Court, saanen a matuloy ita nga aldaw ti Martes iti panagdingeg ti petisyon.
Daitoy ken immunan a naikeddeng idi bulan ti Abril, agdama a tawen ken na-reschedule ita a bulan ti Hulyo ngem nakanselar manen daitoy.
Maipalagip nga impila da sigud a Senador Koko Pimentel, Bayan Muna Chairperson Neri Colmenares, ken dadduma pay iti petisyon a mangkweskwestiyon iti legalidad ti Maharlika Investment Fund.
Tarigagay da met nga maaddaan ti palawag no maitunos iti Saligang Batas iti Republic Act No. 11954 wenno iti Maharlika Investment Fund (MIF) Act of 2023.
Karaman iti naipila a petisyon iti kiddaw a mangiruar iti Korte Suprema ti temporary restraining order wenno TRO ken writ of preliminary injunction.
Iti agdama, maibasar iti mensahe nga impatulod ti Korte Suprema, awan pay ti nadakamat a kanayunan a detalye no katno iti sumaruno nga schedule para iti nasao a panagdengeg. #
