BR LA UNION – Natiliw ti maysa nga Overseas Filipino Worker (OFW) idi napan a lawas, babaen kadagiti kameng ti Aringay Police Station gaputi kaso a panaglabsing iti VAWC.
Iti suspek ket agtawen ti 44, addaan asawa, residente ti Barangay Sto. Rosario, Aringay, La Union.
Nakemmeg ti suspek babaen iti bileg ti warrant of arrest nga impaulog ni Hon. Jerome Clarin Beatisola ti Family Court, Branch 11 idiay General Santos City, napetsaan ti Setyembre 7, 2023, gapu iti panaglabsing iti Section 5 (1) ti Republic Act 9262 wenno “Anti-Violence Against Women and Their Children Act of 2004.”
Adda iti nairekomendar a piyansa para ti pannakawayawaya ti suspek nga agdagup ti Php 72,000.00
