Iti panagdardaras a masungbatan ti panagkuwestyon ti Commission on Audit (COA) iti panaggastos ti P23.8-M a gatad ti confidential fund iti Office of the Vice President (OVP), simmobra ket garud iti mapagduaduaan a resibo nga insubmitir tapno mainkalintegan iti naaramid a panaggastar.
Insubmitir ti OVP dagiti 158 Acknowledgment Receipts (AR) tapno madepensaan iti panaggastos ti opisina iti confidential fund.
Inaklon ti representante ti COA a ni Gloria Camora nga adda dagiti “inadvertence and typographical mistakes” a naaramid dagiti personnel ti OVP maibasar ti naisubmitir da a pammaneknek kadagiti gastos.
Saan met a nakontento ni Gutierrez iti naala a sungbat ket kinunan a “red flag” ti COA kadagiti ARs a dinakamat da nga “spurious and bogus.”
Dinakamat met ni Gutierrez ti maysa nga AR a napetsaan ti Nobyembre 2022 idinto nga iti P125-M confidential fund ket rimuar idi Disyembre 2022, nu sadino daitoy a pondo ket nagastar laeng iti las-ud iti 11 nga aldaw.
Nababalaw pay ti panagpada dagiti penmanship ken kulay iti ballpen a nausar kadagiti ARs kasta met iti nagpadaan da iti signatories kas dagiti “AAS” ken “JOV” a nakagun-od iti pakabuklan a P280,000 ken P920,000 kas bayad iti nagatang nga impormasyon ti OVP.
Ni “AAS” ket nakagun-od iti P60,000 idi Disyembre 2022, P150,000 idi Pebrero 2023 ken P70,000 iti maikatlo a quarter iti kapada a tawen bayat a ni “JOV” ket nakaawat iti P170,000 reward payment, P250,000 para kadagiti suppliesn,ken P500,000 para met kadagiti “medical and food aid.”
Manipud iti 776 ARs a naisubmitir, 302 ti saan a mabasa iti naganda ken lima iti naulit iti nausar a nagan.
Nadamag pay ni House Quad Comm senior Vice Chairman Romeo Acop ni Camora nu nadlawan na iti nagan a Mary Grace Piattos iti maysa kadagiti AR; Kinuna ni Acop nga iti Mary Grace ket kanagnagan iti maysa a restaurant ken iti Piattos ket kanagnagan met iti maysa brand iti potato chips.
