BR LA UNION – Pormal nga inyanunsiyo ni Department of the Interior and Local Government (DILG) Secretary Jonvic Remulla ti P10-M a reward money para iti pannaka-arestar ni gaming tycoon Charlie Atong Ang.
Adda pakainaiganna daytoy iti kaso dagiti missing sabungeros
Inaramid ni Remulla ti anunsiyo iti Press Conference itay malem ti Huwebes, Enero 15, 2026.
Ibilang ti DILG chief nga “armed and dangerous” ni Ang, gapu kadagiti alegasyon a karaman isuna iti pammapatay ti nasurok 100 a tattao, ken maipagarop a karaman ti adu a bodyguard na.
Segun kenni Remulla, nakasagana dagiti otoridad iti anyaman a posible a mapasamak ingkaso a lumaban ni Ang iti oras a ma-arestar daytoy.
Immunan nga imbaga ni Remulla a maibasar iti monitoring ti gobyerno, adda pay laeng ditoy Pilipinas si Ang, partikular iti Luzon.
Kadagiti amin nga akusado iti missing sabungeros, ni laengen Atong Ang ti at-large wenno saan pay a natiliw dagiti otoridad.
Impaganetget ni Remulla nga awan ti aramiden nga Extra Judicial Killing ti PNP ngem aramiden da ti amin tapno matiliw ni Atong, a maibilang ita a “NUMBER 1 MOST WANTED” iti intero a pagilian.
