BR LA UNION – Naan-anayen a linteg iti 2025 national budget nga agbalor ti P6.236 Trillion.
Daytoy ket kalpasan a pirmaan ni President Ferdinand Marcos Jr. iti General Appropriations Act (GAA) idi bigat kalman iti naisayangkat a seremonya idiay Palasyo ti Malakanyang.
Iti orihinal a 2025 national budget ket P6.352 Trillion.
Impaganetget ti Presidente a maximum prudence ti nausar iti pannakapirma iti General Appropriations Act .
Kinuna ti Presidente, direkta isuna a nag veto iti line items a saan a ‘consistent’ iti program priorities ti administrasyon.
Pakabuklan a P194- billion iti na-veto a pondo.
P26 billion iti nakissay a pondo iti DPWH; P168-Billion iti naikkat kadagiti unprogrammed funds, idinto nga agtalinaed a zero ti budget ti Phil Health.
Impaganetget ti Presidente a ti napirmaan a budget ket repleksiyon dagiti nagun-od a kari para iti economic gains ti pagilian.
Iti sangka-pagilian a pondo ket nadisenyo tapno masungbatan dagiti agdama a kasapolan.
Kabayatanna, segun kenni Executive Secretary Lucas Bersamin, awan iti bokabolaryo ni Presidente Marcos a maaddaan ti re-enacted budget agsipudta dackel ti impact na wenno epekto daytoy iti ekonomiya ti pagilian.
Kabayatanna, dinipensaan ni Bersamin iti dackel a pondo ti Office of the President a segun kenkuana ket nakapauneg iti National Expenditure Program.
Inlawlawag na a kimmiddaw da ti supplemental budget a nasurok P5 billion para iti panangirugi ti panagsagana ti Pilipinas kas host iti 2026 ASEAN.
