Pormalen nga insubmitir ti Independent Commission for Infrastructure wenno ICI iti rekomendasion a maimbestigaran dagiti sumagmamano nga opisial ti Department of Public Works and Highways iti Office of the Ombudsman.
Ti naipas nga ‘Interim Report and Recommendation’ ti ICI iti Ombudsman ket adda pakainaigan na kadagiti ghost flood-control projects idiay Bagong Silang Plaridel, Bulacan.
Karaman kadagiti maipaimbestiga ket isuda Engineer Henry Alcantara, Engineer Brice Hernandez, Mr. Eumir Villanueva, Former DPWH Secretary Manuel Bonoan, Former DPWH Undersecretary Roberto Bernardo, ken Former DPWH Undersecretary Maria Catalina Cabral.
Segun ti ICI, panggep ti naisubmitir a report nga ipaammiris iti Ombudsman no adda ti panaglabsing dagiti nadakamat nga indibidual iti Anti-Graft and Corrupt Practices Act, Malversation, Falsification, ken dadduma pay.###
