Mangitukon ti Pag-IBIG Fund ti nasurok-kumurang ₱6.3B tapno pondoan ti panangipasdek ti dormitoryo ken makabael a paupahan para kadagiti estudyante, mannursuro, ken non-teaching personnel kadagiti state universities and colleges (SUCs) ti intero a Pilipinas.
Ti pondo ket paset ti Project BALAY: Bridging Access to Learning, maysa a partnership ti Pag-IBIG Fund ken Commission on Higher Education (CHED).
Babaen ti Rental Housing Construction Loan program, makagun-od dagiti SUC ti pondo nga addaan ti 3% subsidized interest rate para ti umuna a dekada ken mabalin a bayadan iti las-ud ti 30 a tawen.
Tarigagay ti programa a mapapartak ti pannakaipasdek kadagiti pasilidad a masarakan ti uneg wenno asideg dagiti campuses nu kasta ket masungbatan ti pagkasapulan para ti natalged ken makabawel a pagnaedan iti sektor ti edukasyon.
Pormal nga impresentar ti inisyatibo ni Pag-IBIG Fund CEO Marilene C. Acosta iti maysa a consultative meeting sadiay CHED Auditorium, Quezon City idi Abril 15, 2026, a nangdakamat kadagiti sustainable housing solutions kadagiti adda pakainaigan na iti sektor.
