BR LA UNION – Manamnama a dua agingga uppat a bagyo iti mabukel ken sumrek iti Philippine Area of Responsibility ita a bulan ti Hulyo 2026, segun iti Philippine Atmospheric, Geophysical and Astronomical Services Administration (PAGASA).
Segun iti state weather bureau, agtultuloy nga agbalin nga aktibo iti southwest monsoon wenno habagat a mangigubway ti sagpaminsan a napigsa a panagtudo, partikular iti lumaod a paset ti Luzon ken Visayas.
Innayon ti PAGASA, ti immuna a bagyo ita a bulan ket Henry, a sigud a low pressure area ngem nabukel iti uneg ti PAR idi parbangon ti Miyerkules ngem rimwar met laeng iti teritoryo agarop alas 8:00 idi rabii, Hulyo uno 2026.
Kabayatanna, posible a sumrek dagiti sumaruno a bagyo a mapanaganan ti “Inday,” “Josie,” ken “Kiyapo,” ken mabalin a tumama iti Eastern Visayas ken Luzon, ken papigsaenna pay iti epekto ti habagat.
Agtultuloy ti panang-palagip ti state weather bureau iti publiko nga agbalin nga alerto iti posible a panaglayos ken panagregga-ay ti daga gaputi namnamaen a panagtudtudo iti sumaganad nga aldaw.
