Pinasingkedan ti Department of Finance (DOF) nga ar-aramidenda ti amin a kabaelanda tapno umadu ti pondo ken maksayan ti utang ti gobierno.
Segun kenni Finance Secretary Ralph Recto, iramanda ti panangipribado wenno panaglako kadagiti non-performing wenno dagiti saan met a makaganansia nga public assets.
Kinuna ti gobierno a nasaysayaat no mai-liquidate dagitoy ta isu pay a gasgastosan para iti seguridad ken pannakamantener.
Pinasingkedan ti sekretario nga amin a programa ken proyekto ti gobierno ti maipangpangruna a kaipapanan ti pondo.
Paset met daytoy ti suporta ti departamento iti national budget tapno masigurado a nasayaat ti taray ti ekonomia ken makasalbar kadagiti gastos.
Mangituding met ti Inter-Agency Privatization Council ken Privatization Management Office kadagiti presio iti tunggal assets.
Adda dagiti 28,665 ti agdama nga non-performing assets a naiyakar iti Privatization Management Office a mailakon ti kadagiti pribado a sektor.
