LA UNION – Saan a mabalin nga agkumpiansa dagiti basketbolista ti Region 1 iti sumaruno a labanda iti Palarong Pambansa 2017 inton rabii.
Maipalagip nga iti kaunaan nga ay-ayam dagiti atleta idi kalman ket nangabakda kontra iti Northern Mindanao iti iskor a 97-91.
Segun iti coach a ni Rogerick Tabucao, naimatanganda ti performance ti Caraga region a sumaruno a makabalubalda ket patienna a nalaing met dagitoy.
Nupay kasta, impanamnamana nga ipamuspusanda ti amin a kabaelan dagitoy tapno agballigi iti labanda iti panangidaulo ti hald-Filipino-Nigerian a team captain a ni Enoch Valdez.
