BR LA UNION – Dinillaw iti Palasyo ti Malakanyang iti video presentation iti naisayangkat a senate inquiry.
Inladawan ni Palace Press Officer Claire Castro a mala-drama iti video presentation ni Senator Imee Marcos iti panagdengngeg idiay Senado.
Kinuwestiyon ni Castro nu apay a saan a kumpleto dagiti naipakita a video.
Maipagarop a saan a nairaman iti presentation iti video ti maipagarop a panangharass ti kampo ni sigud a President Rodrigo Duterte kadagiti pulis bayat a maiserserbi iti arrest warrant.
Maipapan iti salodsod ni Sen. Imee nu apay a naisuko ti sigud a Presidente kadagiti gangannaet ken kaatnu pay a nagbalin a probinsya ti The Hague iti pagilian.
Iti sungbat ni Castro ket awan ti nalabsing a linteg agsipudta maiyannurot daytoy iti RA 9851.
Imbaga pay ti Palace Press Officer a kaatnuman ket saan a tinarigagayan ti Marcos administration nga agbalin a probinsya ti The Hague iti Pilipinas, ken uray ti Fujian, China.
Never kunana a pinanunot ti gobyerno nga agbalin a probinsiya ti Pilipnas iti siasinuman a pagilian, agsipudta iti Pilipinas ket maysa nga independent country.
