Naanus nga agbuybuya dagiti pamilya ti biktima ti ‘war on drugs’ a dimmar-ay ti watch party iti Program Paghilom sadiay Saint Arnold Janssen Kalinga Center, Tayuman, Maynila.
Kasaruno daitoy ti pormal a panagrugi ti confirmation of charges hearing ti International Criminal Court (ICC) ti kaso ni Former President Rodrigo Roa Duterte (FPRRD) ken mangnamnama ti pamilya dagiti biktima nga agtultuloy ti asunto kontra ti sigud a Presidente ti Republika.
Sakbay a mangrugi ti confirmation of charges hearing ket nailawlawag kadakuada ti kinapateg ti panagdengngeg, nga agpaot ti sumagmamano nga aldaw. Detalyado a nairakurak dagiti posible a mapasamak iti hearing kasta met dagiti sumarsaruno nga addang ti tunggal paset.
Naipasigurado kadagiti pamilya a nupay awan da mismo idiay ICC ket adda met ti mangibagbagi kadakuada nga abogado ti prosekusyon.
