Tinakderan ni Senador Risa Hontiveros iti tradision ti Senado a saan a rumbeng a maarestar iti sinoman a senador bayat nga adda iti session ti upper house.
Iti maysa nga interview, napagsaludsodan ti mammanday-linteg maipapan iti pananginagan kenni Sen. Christopher Go ken Sen. Ronald Dela Rosa kas co-perpetrators ni sigud a Presidente Rodrigo Duterte iti sangsanguenna a crimes against humanity iti International Criminal Court (ICC).
Segun kenni Hontiveros, suportaranna iti umuna a kenuna ni Senate President Vicente Sotto III nga awan ti senador ti Pilipinas a mabalin a matiliw kabayatan ti session ti Senado.
Nupay kasta, inaklon ti mammanday-linteg a napateg a matalantan daytoy iti agbalin a caucus ti upper house a manamnama a maangay inton bigat, Pebrero 18.
Agtaltalinaed met iti agdama iti garantiya ken kari ti Senate President.
Napateg met a pagsasaritaan iti saklaw ti proteksion nga ipaay ti Senado kadagiti dua a nainaganan a senador, no bilang ta mangipaulog iti ICC ti arrest warrant kontra kadakuada.
Impasigurado ti senador a mailatag iti causus inton bigat tapno maammuan iti kasayaatan nga aramiden-da.###
