Dinayaw ni Senador Bam Aquino iti addang ti Bangko Sentral ng Pilipinas nga ikkaten dagiti in-app online gambling sites kadagiti E-wallets, a segun kenkuana ket mangpakapsot ken mangpasardeng dagiti operasyon ti e-gambling ditoy pagilian.
Iti inruar a direktiba ti BSP kadagiti E-wallets ket dagos nga inaramid dagiti kompanya.
Kabayatanna, nasken a mangaramid met iti umno a desisyon ti Philippine Amusement and Gaming Corporation (PAGCOR) ken ni Presidente Ferdinand Marcos Jr. para iti total ban wenno naan-anay a panakapasardeng tapno maprotektaran dagiti umili manipud iti dakes nga epekto daytoy.
