LA UNION – Awan pakainaigan iti reassignment dagiti 65 a kameng ti Davao City Police Station iti agdama a political situation ditoyt pagilian, segun kenni PNP spokesperson Brig. Gen. Jean Fajardo.
Iti press briefing idi kalman idiay Camp Crame, imbaga ni Brig. Gen. Fajardo a ti re-assignment dagiti nasao a pulis ket gapwanan ti maipagarop nga inaramid da a “tampering” iti crime statistics, a naka-ikkatan da iti puweso ken na-reassign iti uppat a rehiyon.
Kabilang dagiti naiyakar iti 32 Police Commissioned Officers (PCOs) ken 33 Police Non-Commissioned Officers (PNCOs).
Karaman pay iti grupo dagiti opisyal a nagserbi nga station commanders iti police stations idiay Davao City.
Iti Davao City ket balwarte ni Vice President Sara Duterte.
Kadagiti na-reassign a pulis, 24 ti naidestino idiay Mimaropa (Mindoro Oriental and Occidental Marinduque, Romblon and Palawan), 21 idiay Cordillera Administrative Region, 12 idiay Bicol ken walo idiay Cagayan Valley.
Maipalagip nga idi Hulyo, ket immandar ni Torre nga ikkaten dagiti nasao a police officers kalpasan a madiskubre a nakibiang dagitoy iti crime statistics idiay Davao region babaen ti double blotter, banag kunana nga ilegal.
