Pinaglibakan ni Davao City 1st District Representative Paolo Duterte nga iti 2-month and 16-country trip na ket maysa a “world tour”.
Segun kenni Representative Duterte, iti nasao a panagbiahena ket para iti opisial a trabaho ken obligasion iti pamilia.
Sungbat na daytoy kadagiti online posts a mangibagbaga nga aglinglingay isuna iti ballasiw-taaw kasaruno ti panangkuestion dagiti sumagmamano a manmanday-linteg iti kinabayag ti itinerariona.
Inlawlawagna a dumaldalan amin iti formal review ken clearance ti House dagiti amin a foreign tripsna karaman dagiti stopovers. Amin met a gastos ket personal na a sungbatan ken agtutuloy iti trabaho uray adda isuna iti abroad.
Nagkiddaw ni Duterte ti travel clearance para inton Disiembre 15 agingga Pebrero 20 a panagbiahe kadagiti 16 a pagilian, ken mapalubosan a virtual a makipaset kadagiti sessions.
Idi Marso, kumiddaw isuna iti kapada a clearance para iti personal ken work-related trip a nga idi agangay ket napalawa ti 16 a pagilian ken maipagarup a napundoan babaen ti bukodna a kuarta.#
