BR LA UNION – Inlawlawag ti campaign manager ti partido ti administrasyon Marcos nga awan ti napagsaritaan seknan iti panangikkat kada Senator Imee Marcos ken Las Piñas Representative Camille Villar manipud iti Senatorial slate ti Alyansa Para sa Bagong Pilipinas.
Iti maysa a press conference ti partido idi kalman, Sabado, inlawlawag ti campaign manager a ni Navotas Rep. Toby Tiangco a saanna a masungbatan iti salodod ken nasay-sayaat nu isuda Sen. Imee ti mismo a mangsungbat iti nasao a salodsod.
Inaramid ni Tiangco iti waragawag kasaruno iti saan a panangdakamat ni President Ferdinand Marcos Jr. ti nagan ti kabsat na a ni Sen. Imee kadagiti inyindurso na a Senatorial candidates ti partido, iti campaign rally idiay probinsiya ti Cavite.
Daytoyen ti maikadwa a gundaway a saan a nakasurot ni Sen. Imee iti panagkampaniya ti partido, immuna idiay Tacloban City, Leyte.
Immunan nga inlawlawag ti presidential sister a saan a nakadar-ay iti campaign rally ti partido agsipudta saanna a maawat iti napasamak kenni sigud a President Rodrigo Duterte a naaresto idi Marso 11 iti bileg ti warrant of arrest manipud International Criminal Court (ICC).
Bayat a simmurot met ni Villar kenni Caloocan Rep. Oscar Malapitan iti maysa a motorcade idiay Caloocan city.
